مسلسل دارميــات

( بت بعد بالدلال )

ســــلمتك الدلال وبتوتـــــه كلهــن
ضلت ابكيفك عاد تكطع تشدهـــن
*****
لا ينكطع وابلاك روحي فرد بـت
داريهه بالمعروف ما تحمل العـت
*****
يالواكف على الطوف خويه انته ابن من
شلعت عشر هــروش غير اللــي ذبلـــن
*****
ببت بعد بــدلال ومشـــكلة بســــيم
ماله غرض ينباع مرهــمه ترهــيم
*****
اثنعش ساعة الليل يا ناهــي وثنيـــن
يسمر وحك عيناك مانامت العين
*****
بت بعد بدلال هــذا الكــي البتــوت
روحي وحك عيناك ماتقبل اتمـوت
*****
بت بعد بالدلال بـــت لاجـــن انــه
كلساع اعــدل بيــه يزلـف مجانــه
*****
بت بعد بالدلال بت لاجــن ثجيــل
انكطع لمن كال ها باجــر انشيــل
*****
بـــت بــعد بالــدلال يكــطع واشـــده
صاير جليل انصاف يالروحي عنده
*****
بــت بـعد بالـــدلال ويعتنـــي تــارة
خلوني اشوف هواي شربه جكــارة