تغريد ألغربان من كتاباتي ومشاركتي الاولى

تغريد ألغربان

شفت هوسة أبقفص ردت أعرف ألصار
وتبين من شفت كومة هواديد
ألبلابل عدهة فزعة وجتهة ألطيور
إبعكلهة ولملمت كل ألأجاويد

إنلغت كل ألسوالف ياترف نام لا عشاك تبجي ولا مواعيد
ولا بلبل يغرد لإن مخنوك للغربان خلينة ألتغاريد
أمس صاحية ألناس ألتمشي عالكاع
شجاهة تسودنت شو تمشي عالأيد
وأمس تفرح ألوادم لليكصدون
شجاهم جادر ينصبون بالعيد
أيس ياترف ماضلت أحلام دفنة أحلامنة أبكاع ألتجاعيد
ولبسنة أسود عليهن فوك ألجفون وبقينة إبكد حزنة إنتاني ألك عيد
وأمن ياترف ماضلت أفراح ضلت بس جروح وبعد متهيد
وماتنكص بعد دمعات ألعيون
وجروح كلوبنة إشما طابت تزيد
ما يصحة ألجرح بي ملح خليت
وبعد من جرحي يبن ألناس شتريد
وكع عثك ألنخل وألتمر متروك
إنكطع جفهة وبعد ما مش صواعيد
إنكطع حبل ألمروة ألملكتة ألناس
وطفت نار ألمضايف وألمواكيد
وصفة تالي ألغنم يتصيد ألذيب
وعصافير ألشجر كضت مصاييد
ولذلك جيت أكلك ياترف نام
لا عشاك تبجي ولا مواعيد

الله يا ذوق ابدع ما يكون بالوصف انو رائع صح السانك I love you

شعر جميل نريد اكثر تقبل مروري

صح لسانك وعاشت الايادي تحياتي

بسم لله الرحمن الرحيم

ماشاء الله عليك اخى

الله يوفقك يارب

لكل خير

تحياتى

» اتغيرت من فركتك من كتاباتي